أوصيك يا ولدي

#أوصيك_يا_ولدي

بِخواتك تكون لين هين

الشدة صعبة خليك حنين

عُمر كِبرك و عنادك ما يقربك منهم. 

أشِرب هموم الكُل و اتّحمِل

مجروح من جواك ماشي

لَكِن معاهم بالحلم أتّجمِل

أياك تسقيهم من اللي بِتشربه. 

#أنت_الكبير 

من بعد جدك و أبوك كمل

وجعك خليه جواك وحدك

في وجعهم شيل معاهم

و ارسم كدبه على خدك

أياك تكل وَلّا تُمل حافظ

على رباط العيله ده عهدك

أخوك تحتويه بحضنك يحترمك

لكن بتعاليك و عجرفتك يصدك

لما أخوك يكبرك لأنك كبير القيمة

واجب عليك تعليه و تعلى معاه

إن جار عليك أياك بين الناس

تِشد وياه

من أدب الربايه اللي

 بينكم بينكم

لو شد هو خليك انت لين

ماتسمعش لوسواس 

خد حقك و انت هين

كفايه أن واحد رافع أسم اللي رباكم

في حضنك عاتبه

مني اتعلم حب أخوك وانت مطمن

خليه عضدك شد ضهرك بيه

و بين الناس بالسانك 

أياك تكويه

خليك حسيس و حس

انت كمان باللي فيه. 

حسن سعيد مرسي