اسكندريه
#حابسنا_احنا_ولا_حابس_البحر_بسور
رجعولنا اسكندريه
اسمع مني يا باشا
و انتبه لكلامي يا بيه
لو انت تايه عننا
تعالى اقولك احنا مين
بس قولي لو ما تعرفناش
قولي انت جاي هنا ليه
احنا ولاد اسكندريه
بكل ما فيها من شطها لضواحيها
ولاد الحواري و القمم
على شط واحد مع ولاد البيه
فريسكا سر جمالها
بطعم الجدعنه تلاقيها
بين رقاقة أصول ولاد البلد
و رقاقة كمان بخفة دمنا
فاهم يا عمنا ولا انت جاي تُغمنا
ايوه بركب مشروع
و انزل على القمه
و أييووه على تُقل دم أمك
لما انت مش عاجبك
المايه المالحه و كمان الوشوش
جاي هنا تعمل ايه
ما تخليك محترم بَشوش
ياما غيرك جُم بينا و لا ماشوش
وانت يا باشا
يا بتاع الإنجازات
رجعنا ونبي لزمن الفساد
رجعلنا شطنا و لعب الرَكيت
ده ياما ناس على حالنا باكِت
وناس بينها و بين ربها اشتكت
فاكرين ياولاد بلدي
السايس في سيدي بشر
ولا زمن شط ابو هيف
كان مكانا زمان من صُغرنا
اتحرمنا من الرمل و كمان من بحرنا
و بنيتوا بينا و بين روحنا سور
مش عايزين انجازات
يا ريت انجازتكم عنا تغور
و رجعولنا هوانا
حسوا مره بينا
ولا شوفوا دمع بُكانا
#استغاثة_من_اسكندراني
حسن سعيد مرسي
تم الحفظ و التوثيق
تعليقات
إرسال تعليق