هأقولك أيه
#هاقولك_أيه
بُص كده في مرايتك
مش هاتشوف غير حالك
لكن زمان كنت أبُص
أنا في مرايتي كنت ألاقيك
لأنك أقرب مني ليا
الظاهر إني توهت منك
وسط زحام الدنيا كنت جنبك
أطبطب قبل ما يرد قلبك عليك
أو حتى تبكي عينيك
لأني كنت منك يا حته مني
لكن أقول إيه
غير الله يهديك
يعلم ربنا لا عليك أفتريت
و فيك ربنا أنا اتقيت
اللي في النفوس نار
لو خرجت هاتحرق
أتحملها أنا جوايا عنك
و اتحمل قسوتك كمان
لكن ربك رب قلوب
عالم بالنوايا
و هانشرب كلنا منها
اللي رايد لينا خير
و اللي من قربنا بيغير
هأقولك إيه
مش قايل
بس راجع أنت نفسك
عاتبها بينك و بينها
لما تشوفني زي زمان
ساكن في مرايتك
تعرف أننا رجعنا بخير
بقلمي حسن سعيد مرسي
تم الحفظ و التوثيق
تعليقات
إرسال تعليق