انا المسؤول



انا المسؤول
أقر و اعترف اني
زغزغت المواطن لما ضحك
و كان من غير سبب
طبيعي يبقى قلة أدب
عايز اقول كمان
انا اللي قهرته و حرقت دمه
لما اترمى في المستشفيات
و من القهرة مات
يعني ذنبه عليا انا
عايز اقول كمان
تلميذ خاب في مدرسته
راح اشتغل ف غاب
لاجل ما يساعد أبوه
في جواز البنات
انا السبب في اللي فات
من غير ضرب هاكمل
بتاع الفول رفع السعر
و انا المسؤول
لاني باكل علف العجول
عشان كده اللحمه نار
و ارتفعت الأسعار
يعني الغلط مننا فينا
التراب بس
في العين يكفينا
حتى اني ببصم بالعشرة
لا عاد طيبة ولا عِشرة
من وقت ما الدولار بقى ب ١٠
بطلب منكم تسامحوني
هاربط حزامي على وسطي
هاحرق مركب طموحي
و اسكن شَطي
حتى احلامي هاموتها
و اقولها قبل مانام اتغطي

حسن سعيد  مرسي

تعليقات

إرسال تعليق

المشاركات الشائعة من هذه المدونة

متعلقين

صورة
متعلقين بقشة يمكن ضعيفة أو قويه زي خيط عنكبوت أحلام الفرح أصبحت مشانق موت أيام الهم ليه عايشنها وأيام الفرح بتموت حتى الدمع بيتكلم يقول ليه الفرح سكوت حتى أنين الروح عاجز يطلع من جوايا صوت حاسس اني مكلوم ساكن ظلام بطن الحوت يا أيام العمر مُري من غير مرار ويا دقايق الزمن كل  ثانيه أحتضار عايش حياتي  غريب وده عنوانها باختصار بين ضفتين حياتي نهر العمر شلال انتحار حتى عود غصني أشواك ولا مرة نبت أزهار مليت الترحال من غصن لغصن زي الفراش ع الأشجار وسلمت أمري راضي يقين برب الأقدار ✍️🏿حسن سعيد مرسي تم الحفظ والتوثيق
قراءة المزيد

ذات الاقنعة

صورة
ذات الاقنعة كل الاقنعة بريئة أخطرهم قناع الملاك ارحمهم قناع الهلاك قناعك وانت جريئة الوحيد يكشف الحقيقه كم مرة خدعني قناع الدموع ارفع انا الراية البيضاء واعتذر رغم اني صاحب حقوق وارجع مسامح لكن أعيش نفس الإحساس اللي فات دقيقه بدقيقه غريبه عني من يومك كل الوجوه زور رسمت جروح عتيقه قلبك الغض الرقيق قناع يخفي ذات أنياب ظننت انها لي رفيقة تعلمت الدرس استاذتي واصبح التلميذ متفوقا ينعي ذكريات صديقة ✍🏿حسن سعيد مرسي
قراءة المزيد

يوم مش اجازة

صورة
يوم مش أجازة طوال أيام العمل أي كان طبيعة عملك أي كان حتى لو على مكتب مكيف وعندك سكرتارية و عامل مكتب أي كان نوع العمل.  تنتظر يوم الأجازة بفارغ الصبر لتجديد نشاطك الذهني قبل البدني.  لكن هنا في مصر في مجتمعنا وما نعيشة من متطلبات أو من بيئة محيطة في البيت والشارع والعمارة والعمل لا تنتظر تحسين نشاطك ولا حتى التحدث مع عقلك الباطن.  في يوم الأجازة مع إيقاف التنفيذ محتاج تخرج من حالة الروتين محتاج تنهي متطلبات بيتك محتاج لروحك محتاج ترتاح بدنيا و ذهنيا.  لكل منا أسلوبه في ذلك طبعا حسب متطلبات بيتك و وقتك وحالتك النفسيه والمادية.  منا من يغلق عليه بابه بين جدران بيته لا يريد الأحتكاك أو التعامل مع أسلوب البشر الذي تعدى لفظ الفجاجة والبجاحة في كل مناحي الحياة وتعاملاتها.  منا من يذهب بعيدا في رحلة صيد سمك أو غيره لكن صعب جدا أن تجده في إنتظار صيده يفكر في غير مسؤولياته.  هذه هي الدنيا وكلنا نعلم ذلك فلِما نقسوى على بعض وكلنا لنا نفس الأحتياج.  أن نتعامل بهدوء نفسي وأخلاق راقية محترمة لا تمد عينيك لما متعنا به غيرك.  حتى لو أخذ من حقك فعند الله ال...
قراءة المزيد