لنفسي بعتذر
انا اسف فعلا
و انا الغلطان بعتذر
لكن مش ليكم الأعتذار
اعتذاري لنفسي
ايوه حقك عليا سامحيني
كتير جيت عليكي
ولا اشتكيتي مره
ولا لومتيني
طبعك الأصيل ولا بيميل
رغم الجفا كان جوانا وفا
رغم الجحود منكم
في كل مرة قلبي صفا
تِعَروني و دافيكم
تجرحوا أداويكم
يبقى اعتذاري أبداً ما كان ليكم
بعتذر لنفسي سامحيني
ايدي كتير بالخير انا مديتها
و اجري على خدودكم امسح دمعتها
مفيش مره عنكم بنشغل
ولا عشان روحي اهملتكم
و في الآخر بتشكرلكم
من غير اعتذار
ماهو اعتذاري ميش لكم
اعتذاري لنفسي. سامحيني
روحوا لحالكم الله يسهل لكم
قبل ما تغيبوا عني عايز اقولكم
مسامحكم على ظُلمكم
حسن سعيد ابراهيم
تعليقات
إرسال تعليق