تصريح سفر

#تصريح_سفر

من الهموم نفسي

 أخد تصريح سفر

مش عايز غيرها نفسي

واللي عايزينوا خدوه

إلا حلمي أعيش لوحدي

فرح مرسوم على السما

والحزن فارق خدي

صدقوني خلاص مبقاش

يفرق معاكم حالي

ولا سؤال بكلمة  إيه جرالي

هارتاح وترتاحوا

ولا عتاب ولا حتى ملامة

كل اللي عايزه منكم

تقولوا مع السلامة

رحلة وخلاص في نهايتها

والذكريات صفحة و طويتها

حتى ضحكات الصبا بكيتها

يبقى فاضل إيه

شنطة همومي ولملمتها

وكلمة طيبة ف سطر حرقتها

فاضل بس رسالة وداع

صدقوني من زمان كتبتها 

تصريح سفر

نبض ❤ يكتبه ✏️

حسن سعيد إبراهيم

تم الحفظ والتوثيق