موجوع قلبي
#موجوع_قلبي
مين قالك اني كده مبسوط
ولا بغيابك عني
انا رايق و مزاجي مظبوط
اللي قالك
لما قالي ماصدقتوش
يا أغلي مني عليا
حالك انا حاسه
وحالي ازاي محستهوش
طول عمري فرحتي بفرحك
وجرحك بيقتلني
حضنك انا مانستهوش
لا طعم ولا لون ولا ريحه للحياة
مهما اتلف حولينا كتير
قريب ولا غريب
طعم المر ساكني
وجعك مابستحملهوش
لكن قولي ايه بأيدي
مش عارف ازاي ارضيك
وبكدب في عمايلك ظني
خايف أقرب تبعدني
وبعدها لا الحياة ولا الروح
صدقني ما يساووش
تعالى نرجع زي زمان
ايدك في ايدي وحضننا كمان
لو قادر تعيش من غيري
انا بعلنها من غيرك تعبان
واللي بينا صدقني
ينتهي بضحكة وشوش
نبض ❤ يكتبه ✏️
حسن سعيد مرسي
تم الحفظ والتوثيق
الجميع
تعليقات
إرسال تعليق