واقف لوحدك
#واقف_لوحدك
واقف لوحدك ع الطريق
متغرب حاسس بضيق
ولا انت عاشق وحدتك
كان حواليك اصحاب كتير
صاحب مبدأ صاحب ضمير
كام وش زور قابلته ف سكتك
يا صاحب القلب البريئ
عافر لو لوحدك خليك جريئ
مش بقيلك غير ضحكتك
كل اللي كان حواليك زمان
وسط الشدة راح وخان
كان سعيد بدمعتك
طريقك لوحدك وامشي فيه
ودمعك عن غيرك داريه
ولنفسك بس تبقى محبتك
حاول تتعلم منهم عشان تعيش
على روحك كفايه خلاص ماتجيش
وارسم بأيدك جنتك
صدقني قبلك حاولت اغيرهم
جرحوني بأخلاص كتر خيرهم
وجفف دموع سكنت مخدتك
وكمل مهما كان صعب المشوار
راح يرجعولك يوم دا الزمن دوار
يطلبوا يشاركوك جنة وحدتك
نبض ❤ يكتبه ✏️
حسن سعيد مرسي
تم الحفظ والتوثيق
تعليقات
إرسال تعليق