ايه ذنبي

قولي ايه ذنبي في حبك
تعمل كل ده ليه
قلبي كان جنتك
تهجر وتنساني
ولا تسأل
بتعدها انت بالأيام
كام يوم
وبَعِدها انا بالثواني
والثانيه في بعدك يوم
ياحبيبي الله يهديك
مد ايدك ضمني ليك
مكانك مهما تغيب هنا
يوم عشق ويوم هَنا
عارفه انك حاسسني
وانك كمان سامعني
وشايف دموع الضنى
احكيلك ولا عارف
ان حبي ليك جارف
عيوني على الطرقات
وعلى نجوم السما
وهناك بعيد خلف المشارف
طيب قولي ايه يرضيك
تحب بين الناس كلها
بأسمك اناديك
ولا بينهم من غير خجل
اجري و اجيك
واضم ايدي بين ايديك
واشوف الفرح على خدودي
ومالي عينيك
نبض ❤ يكتبه ✏️
بقلمي حسن سعيد مرسي
تم الحفظ والتوثيق
تعليقات
إرسال تعليق