حلم الغلابة
#حلم_الغلابة
احنا الجدار
و احنا السند
كام حلم اتحطم
في المهد أتوأد
حلمك ويا حلمي
زي غيرنا كمالة عدد
ياجيل اتحطم
قبل ما نبنيه
وفرح اتهد
قبل ما نفرح بيه
زرعنا اللي
من قلوبنا بنرويه
لاجل يطرح ثمر
غاب من ظلمكم
ضي القمر
لا عاد في امل
ولا حتى تجمع سمر
عيل من صغره
كان له جناحات
رفرف و حلم
بست البنات
يجيبلها من كل بلد هدية
مات حلمهم ياعيني
شاب الولد واتحنت هيه
يام الدنيا مالك في أيه
حلم الغلابه منظور ليه
ده حتى الحلم بسيط
نملك حمار ونجبله غبيط
لكن قدرنا في قطركم
نركب ترسوا او شعبيط
بقلمي حسن سعيد مرسي
نبض 🖤 يكتبه 🖋
تم الحفظ والتوثيق
تعليقات
إرسال تعليق