جحا
عاملتك بطبعك
و مليت لك من المُر كاس
و قلتلك دوق بس
بلاش تشرب
انا ياما من مُر كاسي شِربت
لكن بعد إيه اتعلمت
من أول كاس تشتكي
و تقولي في هواك اتعذبت
انا الصبر بكى على صبري عليك
ياما جِتلك و كتير حكيت
تلاوعني و تجيب الحق عليا
تبكي و انا الشاكي منك
تجافي و انا المظلوم
قولي أرضيك إزاي
و انت مش عارف تراضي نفسك
أشرب و املى من مرك قلبك
انا خلاص اتعلمت منك
و من كتير قبلك
لكن عمري ما هرجع لحياتي من قبلك
هاعيش لنفسي و اطبطب عليها
و اشوف جراحها و اداويها
و اقول لعيني أفرحي
حتى الذكرى مش هابكي عليها
اللي باعني ماشتريهوش
و اللي ناسيني مافتكرهوش
والعمر اللي راح معاه
راح ولا عَدتهوش
اللي ما يصونش قلبي
قلبي ما يصُنهوش
واللي يحرمك الدفى
موت ولا تطلبهوش
حسن سعيد مرسي
نبضات قلمي
تم الحفظ والتوثيق
تعليقات
إرسال تعليق