لم تنشر
تحت سواد الليل
اللي بلون شعرها
ساكن ضي القمر
ليالي في بدرها
هابص في عيونها
واكتب عن روحها
عيونها السود عالم تاني
تمنيتهم ملكي وقولوا أناني
نفسي مره احس انها وحشاني
لكن ازاي وهي سكناني
ولا رموشها سلاح كحيل
وجفن وسادة قلب عليل
بعد رحلة عمر قبلها طويل
بدأ وياها كل احساس جميل
فيها إيه لو اقدر اقولها
اني عاشق همس لحنها
انا الغازي أسوار حصنها
وانا الحارس كمان جنبها
مابين غزوي واحترامي لها
حدود انا افتخر دائما بها
كفوفها في الخيال
كانت نجاتي من الغرق
زي روح كانت بين مفترق
عوضت عمري اللي اتسرق
لكن عاجز اني اعترف
بدء فجر فرحي اليوم وشرق
ليها روح من قبل البوح
كنت عارف انها تشبهني
زي بنت كبرت معايا من سني
لكني صامت والله غصب عني
محتاج وجودها جنبي يطمني
هاتحمل ولا احكيلها يمكن يخيب ظني
وتسمح وتقول مشاعرك اكيد تسعدني
تعليقات
إرسال تعليق