لو مسموحلي
لو مسموحلي
كنت اقطف ورد الخدود
لكني خايف
اأقرب من وهج الشفايف
عيونك بحر انا مشتاقله
ورمشك اد ايه محتاجله
حتى خدك وضحكته
خدي بيندهله
ليه روحك شارده
وعيونك هناك بعيد شايفه
تتنهدي دايما وليه خايفه
كل اللي بحلم بيه
حلم روح
ومشاعر تداوي جروح
من زمان وانت حاسه
وممنوع عليا البوح
لكن عزاءِ انك حاسه
ومن خوفي عليك
انا ساكت لكن قلمي بيصرخ
وسطري بيناديك
خليني ساكن ضي عينيك
وابتسم لجل ما حياتي
تحلو بيك
حتى لو مش نصيبي
ولا مكتوب اكون ليك
نبض❤نكهة☕
حسن سعيد مرسي
تعليقات
إرسال تعليق