ام الدنيا

يا أم الرجال مال طرحك

حزن وهموم يوم فرحك

لو موتي فدا دوا جرحك

أفديك والله أنا مسامحك

يسكن الفرح ليلك وصُبحك

أنا المتربي على مُرك وملحك

دوسي علينا لو ده في صالحك

أفرحي وغيري حزن ملامحك

أبنك المهموم محتاج صَّفحك

ياست الكل وحشنا خير قمحك

ولادك على العهد يعلى صَرحك

ماتزعليش لما بوجعي أصارحك

أنا سترك من أي خسيس فاضحك

رغم الوجع ازيد بين الناس مَدحك

مَر العمر وانا مستني أعيش ضحك

ضمينا دفينا تحت شالك و طُرحك

✍🏿حسن سعيد مرسي 

نبضة على سطري

تم الحفظ والتوثيق