نفسك
نفسك
طبطب على نفسك
مين أدرى منك بوجعها
الروح مهما بكت
ولا يوم صرخت واشتكت
ولا يحسها غيرك
قلبك وصبر عليهم كتير
بيفيض بيك ولا مرة سمعتها
حد يقولك كتر خيرك
فطبطب على نفسك بنفسك
داوي جرحهم فيك
واللي ينادي منهم عليك
كالعادة بديه عن نفسك
لكن ما تستناش من حد حنية
ولا ضحكة وقت أنين
وإن زاد فيك الحنين
اُحضن روحك
وطبطب على نفسك
نفسك وإنت أعلم باللي فيها
إياك تفكر يوم تجافيها
وحقوقهم عليك قبلها
ليهم توفيها
لكن لما تفوق لنفسك
اُقعد معاها وطبطب عليها
ده لو يوم يسعدك القدر
وتلاقيها
من إمتى وهيا تايهة منك
بين الأحزان تدور والجراح
من بعيد تشوفها واقفة
تتلهف على الأفراح
مانت اللي عودتها
بالفرح تهاديهم وبالهموم تهاديها
نفسك أولى بيك طبطب عليها
✍🏿حسن سعيد مرسي
نبضة على سطري
تم الحفظ والتوثيق
تعليقات
إرسال تعليق