غزال
غزال
قالوا زمان في الموال
ابن البلد لو قلبه اختال
راح يعشق من النساء غزال
ما تسكن يوم داره
عايشه في الخيال جاره
في يوم نسيم ويوم ناره
يتغنى ليها ويعزف على عوده
يجود بالعشق ولا حد زي جوده
بعيد المكان عنه لكن في حدوده.
تغيب ولا تقرب تهجر و تجرب
وترجع من نهري ترتوي وتشرب
تكابر وتعاند لكن ليها أنا أأقرب
تتنهد وأنا سامع التنهيده
تكدب من غيرك أنا سعيده
خاين كل يوم لك قصه جديده
واضحك من كلامها و اتحمل
وعيوني تداري اديني بتجمل
ماشي في طريقي واكيد مكمل
ماهو أنا الغلطان من الأول حقها
إني حاولت أقرب من سور حصنها
قلبي وعارف حدوده بعيد عن حدها
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق