متحير ليه
متحير ليه
مالك متحير ليه
فيك إيه احكيلي
أنت قريب مني
ليه واخد جنب عني
فيها إيه لو تحكيلي
عن وجعي بحكيلك
وعن فرحي كمان
ده عهد بينا من زمان
ولا أنت ناسي إحنا
إيه لبعضينا
لو زعلان مني قولي
عارفني ماتحملش عليك هموم
أنا حتى بخاف عليك
كل يوم عن يوم
أكتر من كل يوم
زي ما بتسمع همي
عن همك سمعني
لو فيك إيه صدقني
هاراضيك ولا أخبي عليك
بس تعالى إسألني
لو الزعل مني
وعد ليك أفرح عينيك
وارسم ضحكه
على خدك
ماعنديش زيك
ولا في الغلاوه أدك
ليه تسبني لعقلي
يودي ويجيب
مخليني ليك غريب
وأنت لهمومي طبيب
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق