صدقيني
صدقيني
هتصدقيني لو قلتلك
إني خايف أغرق في عيونك
لكن سهل جدا أغرق
في بحر جنونك
والله مش هاتفرق
لو غرقت حتى في ظنونك
لكن كله إلا عيونك
أنا ضد التيار بحار
أنا والريح أصحاب يطاوعني
لكن إني أتجرأ
فيهم أغرب ولا أشرق
معرفش لا مقدرش ولا اتحملش
عيونك دي مدينة
فيها سحر وطلاسم وترانيم
وأنا يا غلبان محتاج تعليم
مره حاولت اطل عليهم
جاني سهم صابني
وهاتف قالي يابني
هنا ماتعمل عويم
خليك ع الشط
ألعب في حدودك وابني قصورك
في خيالك أو طير بجناحاتك
عيش على الكل سلطانك
أو عيش حتى عليهم غرورك
عيوني مانتش أدهم
ولا مر عليك زيهم
خايفة عليك منهم تسمع لهم
راح تتوه عن شطك
والريح يشيلك ويحطك
وأنا بدأت ارتاحلك
لكن خايفة عليك مني
تغرق في لون الخد والنني
وإياك تقرب من جمر يزيني
أو قلبك يغويك
خليك ورا عقلك الله يهديك
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق