أكتبك وتكتبيني
أكتبك وتكتبيني
قوليلي ليه بشوف نفسي في حرفك
ولا ليه بحس إني بيحضني سطرك
يمكن أوهام لأني عطشان على نهرك
لكن بحس إنك ْ السكون على حرفي
يمكن أنت ُ الضمة في وقت خوفي
روحك ليا ّ شدة حتى بصي شوفي
أوقات بشوفك ( ) الأقواس داخلها حدودي
كمان عارفك ِ الكسرة للي يبكي خدودي
وانت َ الفتحه اللي منها نهر يروي ورودي
سطرك بالنسبة ليا جزيرة فيها خيالي
هناك أنسى الواقع وارجع أعيش حالي
هدوء نفسي لنفسي مع نفسي يرتاح بالي
وقت ما أحب أشوفك واجيلك
أيدي تحضن قلمي ويغنيلك
أشرد معاك واسمع صمت مواويلك
عارفة لما بشوف حروفك بتخيلك بترسمي
لوحة جميلة مع كل حرف تلوني وتتجلمي
وعيونك اللي ما بتسكتش وبيها تتكلمي
تايه أنا راضي على سطرك بين الحروف
عاشق الغرق ولا أتمنى ينجدني طوف
بين سطورك عجايب العشق أنا بشوف
وعد مني لا أهرب من الأقواس ولا أخاف
أحافظ عليك من النسيم وكمان الأطياف
أنا بسمي في عين كل اللي بصلك وشاف
أبقى عنوان سطرك
ومداد بلون وردك
وضحكة على خدك
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق