حب بقلب واحد
حب بقلب واحد
في كل مكان شايفها متابعها
سامع صوت روحها حاسسها
مشغولة بغيره هو ولا حساه
يتابع خطاويها في طريقه معاه
شايف كل آه ساكنه عيونها
حتى عارف إن حبيبها يخونها
لكن أيه بأيده عاشق يا ولداه
لا قادر يبوح بحبه والسر جواه
طير حزين حاير طاير في سماها
روح تعشق و روح ولا شيفاها
قلبه اللي طوى العالم في كفه
عشان نظرة منها تحضن شغفه
عايش بس عشان يطمن عليها
حتى من نفسها كتير بيحميها
على جدران قلبه راسم لها صوره
بنت جميلة وحياة سعيدة مسروره
لكن خايف عليها من زمن الخيانة
من ناس لا ذمة ولا عندها أمانة
قلبي اللي حواليك مستني
خايف عليك حتى من ظني
لو بأيدي اخطفك منه و اطير
لكن في نظرك وقلبك هو امير
هاعيش العمر جنبك من بعيد
اتمنى يحسك و قلبك سعيد
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق