افهمي 2
افهمي 2
مكانتك زي ما هي
حتى لو حاولتي انتي تقلليها
ليكي عرش في نفسي
ومكانة قدريها
إنك تساوي نفسك
بتراب رجليكي
تشبهي نفسك بالضحايا
و تتهميني إني ظالمك
قولي إنك مللتيني
أو قولي إني ليهم حنيت
فِهمك وعقلِك وانتي حُرة
لكن وانتي ماشية إياكي تِضُري
قلب حبك وانتي عارفة
كمان إنتي نسيتي
كان بيحكيلك إيه
يصارحك ولا بيخبي عنك
وهو عارف و واثق
مالهوش مكان في حِصنك
على بابك كان سعيد
وراضي بالقليل
رغم إنه شهريار متوج
لكن معاكي كان شاريكي
وباع عشانك أشباه شريك
خليكي براحتك على راحتك خليكي
مكانك فيا بيناديكي
لكن لو كده راحتك
روح الله يهنيكي
فرحتي لفرحك تكفيكي
وجرحي لو يسعدك
تعالى واطعني تاني بإيديكي
✍️حسن سعيد مرسي
نبضة
على سطري
تم الحفظ والتوثيق
تعليقات
إرسال تعليق