مع السلامة

مع السلامة

وانت مفارق وماشي

ماتنساش تقفل بابي وراك

لو سألوك جاوب

انك جاني ظلمتني معاك 

قول كل حاجة

من غير دموع

ماتخدعهمش زي ما خدعتني

وكان سلاحك بُكاك

كنت بحار ببن البحور رحال

ولما وصلت شطك

حطم قلبي وسفنتي هواك

خدعني قلبك والجناحات

كنت فاكرك طبيبي

اتخدعت بصورة الملاك

يا خسارة سنين ضاعت 

من عمري اراضيك

مغرور قلبك

وعقلك مافهمنيش

طير وحيد في سماك

انساني و انسى كل ذكرى

هاتعايش وانسى انا كمان

واصبر روحي واقول

السبب كان لهفتي وحُبي

اللي قابلته انت بجفاك 

إياك لما تحكي عني

تقول خاني ولا باعني

خليك واضح صريح

قول انك حلم حياتي 

اللي ما عشتهاش

وإني لآخر لحظة بتمناك

✍️حسن سعيد مرسي 

💓 على سطري

تم الحفظ والتوثيق