سكون الليل
في سكوت الليل عالم تاني
في عين نايمة وعين بتعاني
وكتير من القلوب صاحية
تقول يا ناس مشتاقين
بنصرخ بدمع الحنين
للفرح ولا كلمتين
يبدلو مرار السنين
لكن في قلوب زي العيون عليها غيمة
مخدوعة وعن الافراح محرومة وصايمة
ولا شاغلهم آهات السهرانين
ولا ألم المجروحين
ماهي الدنيا ظالم ومظلومين
خاين وناس مخدوعين
وبين دول ودول الحياة أهي ماشية
ناس عايشين وناس كويس إنها عايشة
يا قلوب البشر حسي بينا
امتى قبل العين تشوفينا
ظلمنا وتوبنا والندم في عينينا
و بندفع تمن غلطنا وحدينا
لكن انتم قلوبكم مات فيها الاحساس
لا حاسين بنفسكم ولا بوجع الناس
فيها ايه لو نلملم بعضينا
نشبك إيد في إيد تتجمع أيادينا
في الشتاء أرواحنا تدفينا
نصالح روحنا ونقولها سامحينا
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق