إللي بينا
اللي بينا
مهما كان إسمه بيطمنا
لكن من خوفنا
اتكسر إيه بينا
كل واحد في قلبه
للتاني مكان ومكانة
والبعاد مش إهمال
ولا زعل ولا إستهانة
بس نبعد عشان نحافظ
على مسافة بينا
تطمن قلوبنا
وقلوب غيرنا
لكن إيه اللي اتكسر بينا
مفيش وماتسألنيش
حاسس بتغير فيك انت
ولا تغير فيا انا
إحنا واحد أنا مانكرش
وانتي كمان ماتنكريش
لكن العجيب إيه اللي اتكسر بينا
نفسي أعرف وأقولك
يمكن لما ارتاح ترتاحي
عجيب أمرنا فعلا
مكسور فينا شيء
واحنا مش عارفينه
لأن اللي بينا عايش
لكن أمام الكل دافنينه
سهل السؤال
إيه اللي اتكسر بينا
لكن صعبة الإجابة
نعرف إيه اللي بينا
✍🏿حسن سعيد مرسي
نبضة على سطري
تم الحفظ والتوثيق
تعليقات
إرسال تعليق