في ظلمتي

في ظُلمتي

في غرفتي المظلمة

مع ذكرياتي المؤلمة

بريئة روحي مستسلمة

نظرة شاردة لكن حالمة

سألت روحي كان أيه ذنبي

أخلصت وحبيت انا بقلبي

كانت البساطة كل مطلبي

يشهد على عهدي ربي

كنت بستغنى بيك عن الدنيا

واستنيتك تستغنى كمان بيا

طعنت قلبي قيد وهمك إيديا

والدمع منك بحور في عينيا

كنت بقطف لك ياسمين عمري

واكتبك نبضة على سطري

وافرح لما يطول لك سهري

لكن مضى العمر وشاب شعري

قلبك مطار للعالم كل لحظة رحله

عاشق للمغامرات ماصدقت وهله

إديتك كام فرصة وكام مرة مُهله

لكن محاولاتي خلاص مش مستهله

ذكرياتك كانت وانتهت من زمان

وظلام روحك سكن كل الأركان

لو بين أنهار الدنيا مع غيري عطشان

نويت خلاص أنساك لأنك بقايا إنسان

عيش حياتك زي ما انت تحب بطولها

ولا عيشها زي ماغيرك يحب بعرضها

أو عيش من غير قلب حزين بعدها

واندم على كل القلوب لو مرة خُنتها

✍️حسن سعيد مرسي

🖤 على سطري

تم الحفظ والتوثيق