اولاد سعيد مرسي
عامية
أولاد سعيد مرسي
في ساحة المظالم
المظلوم هناك وقبل منه الظالم
ربك بالنوايا قبل الفعل مطلع
وباللي في القلوب عالم
كم نميمة ولا غيبة
كم مرة كلمت نفسك
بأفعال لئيمة
وارتكبت من المحارم
كم مرة تضحك في الوش
وفي الضهر تحقد تغش
واللي جواك باين
بس إحنا تربية عظيمة
ولاد أصول حتى مع الأندال
مش بالكلام
ولا تحب أفكرك بالأفعال
ولاد مرسي إياك تنسى
وإن نسيت ده أصلك
مين علمك ومين علم عليك
الراجل في نظرك انت
بيقول لأصغرنا يا خال
تربية انت ماتعلمتهاش
وكبيرك عليها ما يوعاش
لأننا اتربينا على إيد رجال
لو شوفتني مجروح
إوعاك أصعب عليك
رصيدنا من الخير عند الأصيل
مابيتنساش
ودعوة والدينا يستجبها ربك
لندل ما يحوجناش
عارف ليه
لأننا ولاد سعيد مرسي
نار على علم
في عز عماك تشوفها
لو نكرتها
غيرك أصيل ماينكرهاش
لما جيت ابيعك
في سوق الرجال
قالوا سلعة هنا ما تسواش
هات عليه عيل يضمنه
يمكن يطلع أرجل منه
خسيس مع الكل ماخلاش
بيعتك خسرانة
اللي دفعته فيك زمان
خلاص عادي
في حسبتنا ما يشغلناش
رميتك
مفيش حد راضي بيك
إلا الواطي
الأصيل قالي مش عايزه لو ببلاش
✍🏿حسن سعيد مرسي
💓 على سطري
تم الحفظ والتوثيق
تعليقات
إرسال تعليق