للبيع
للبيع
للبيع بأغلى تمن
شوية هموم على وجع
معاهم أحزان
كسرت ضهر الجدع
مين يشتريها بضحكه
ارسمها لو بالكدب على وشي
سعر همومي غالي عليكم
ماهي همومي غاليه
زي السبب فيها
روحي ماتت من تلج الجفا
محتاج ضحكة تدفيها
علامات الحزن
رسم على القلب والخدود
وصوت الآه عدى الحدود
الضحكة اللي ماتت
مين قادر فيكم يحيها
همومي فين ماروح معايا
والجراح كمان
طول عمرها ويايا
تحت المطر عطشان
دموع ومطر تختفي الحكايه
لكن في ركعتين بحكيها
لينا رب عالم بينا
لا محتاج شكوى ولا تمهيد
بس انت أسجد مع تنهيد
جراحك ربك يداويها
✍🏿حسن سعيد مرسي
آخر عهدي بالشعر
تم الحفظ والتوثيق
تعليقات
إرسال تعليق