لفي بينا
لفي بينا يا دنيا
أمانة عليكي تلفي تاني
ومرة كمان تالت ورابع
لفي بينا
بس وانت ناويه ترميني
في مكان تاني نزليني
عايز اتوه عن عنواني
لفي ولفي كمان
دوري بينا وخدينا
بعيد عن كل هم وجراح
ننسى الحزن اللي راح
يمكن هناك في التوها
نفرح ونلقى براح
لفي يا دنيا
لفي في وش الريح
واحكي عن قلب اتحمل تجريح
جرح جنب جرح
يحكي ولا يحتاج تصحيح
جرح يبكي بالسان فصيح
لفي يا دنيا
دايره بينا وديره علينا
ودموع ساكنه روحنا
قبل ما تسكن عينينا
ومين من اللي حوالينا
سمع صوت الألم
في حكاوينا
حسن سعيد مرسي
تم الحفظ والتوثيق
تعليقات
إرسال تعليق