جرحك

طبطب على جرحك بأيدك
أوعاك تحكي
ولا تفضفض
عن نفسه ما يبديك

جرحك لما ينزف أكويه
ماتخليش حد يسمع
ولا ادامه تمسح
دمعك بايديك

خلي جرحك لنفسك
حتى اللي جارحك
عنه تداريه
سيبه يشيل ذنبك
يوم الحساب بحسناته
من ذنوبك يفديك

اللي جرحك بيفرح بجرحك
اصحى وفوق
انت لسه على حالك
فاكره يسمعك ويداويك

مش كل الناس انت
ياما على نفسك جيت
قادر ربنا بعد حين
في جراحك يراضيك

حسن سعيد مرسي

تم الحفظ والتوثيق