هات من قلبك
هات من قلبك
مع نفسك ولنفسك
قهوتك هاتها من قلبك
لو مر اشربه وحدك
هات من الغامق اوي
واللي اتحملته من زمان
و زيد فنجانك مرار
اشربها من غير سكر
زي طبع الايام
و اوعاك تلوم غيرها
كتر خيرها نفسك
اتحملت كتير مرار
اشرب و دوق افعالك
مسامحتك وتنازلاتك
هي دي اللي بقيالك
صعب جدا الفرار
من همومك واحزانك
حتى الوجع ساكن فنجانك
ما تلومش الزمان
ولا تلوم حد تاني
انت اللي كنت اناني
فكرت في غير نفسك
مشيت ورا قلبك
عقلك كان فين
لما اللي مشيت ما صانك
كان القرار قرارك
وسعادة غيرك عنك
كانت اختيارك
كانت اختيارك
✍🏿حسن سعيد مرسي
تم الحفظ والتوثيق
تعليقات
إرسال تعليق