قطايف

#قطايف_جحا

جحا طول عمرنا نعرف إنه حكيم البلد بيحكم بين الناس بدهاء ولاد البلد الطيبين لحل المشاكل.
صيته واصل للكل حتى حاكم المدينة عارف ان تدخل جحا في مشاكل الرعيه بتتحل والكل مرضي.
لكن #أهل_الفساد
مش عاجبهم تدخل جحا لصالح الغلابه بطريقتهم في المُداهنه والتودد نصحوا الحاكم بطريقه شيطانيه.
ايه راي جناب الحاكم جحا يبقى القاضي العرفي بين الناس تتحل المشاكل قبل ما تصل و تزعج جناب الحاكم.
طبعا الحاكم عايز ايه غير كده
ارسل لجحا و جحا وافق ظننا منه انه هايقدر يغير ويصلح.
بعد ما كان بين عامة الشعب طبعا #الحاشيه_الفسده يبدأ النص التاني من خطتهم وهي تطويق جحا ليكون مثلهم.
كل واحد جاب له هديه لكن نفس نوع الهديه #كرافته شيك.
ظننا منهم يغير جلده زي ما غير لبسه.
جحا لملم الكرافتات ولبسها كلهم مره واحده ودخل زي ما هو على الحاكم والحاشيه حواليه وطلب من كل واحد يمسك بهديته تعجب الحاكم وفاجئة تحول الحاكم إلى شمشون هد معبد الفساد على أهله وخرج هو جحا بسلام. 😉

✍️ حسن سعيد مرسي
تم الحفظ والتوثيق