انا الوشق
#انا_الوشق
الرافض و المتمرد
على صمتكم
وكمان شجبكم
خذي وعار
من أمتى هما
القط و إحنا الفار
شعوب مغيبه بالفن
ومواسم الرياض
في انتظار القرار
انا الوشق
المعزول عن عهركم
في الصحاري
لسه أنا حُر
فدائي شدتي فيها
أنياب ومخالب
لكن أمر الله غالب
خليكم أنتم في القمم
و ولاد جلدتنا
ياكلو الرمم
لا حترموا عهدكم
ولا اتفاقيات
على كراسيكم كام صنم
انا الوشق
تربيتي غيركم
دربني مُعلم قال
مكانك في البراري
مفترس بين الضواري
خارج عن السيطرة
وإن سألونا عنك ننكرك
حياتك خلف الخطوط
قلب لينا هناك نابض
عهدك الولاء
لكن في الخفاء
تجرح وتنحر
أهل الوباء
دورك وانت عارفه
رسالتنا ليك مشفرة
تجاهد وحدك بلا فشخرة
كم وشق مننا
في الكهوف متربصه
وقت الزئير
صفوف صفوف مترصصه
فصيلة الوشق والذئاب
والحيتان ويا الصقور أسراب
جنود إحنا كلنا
فينا اللي خد الأمر مرة
وفينا اللي ينتظر التعليمات
فينا اللي انت شايفه ع الردار
واللي مستني ضوء زرار
وفينا اللي لَابد لك أفعى
لما تنوي تقرب يطعنك
ما تخفش علينا بطمنك
احنا وحوش البر
حيتان البحر
صقور الجو
حتى أسألوا الوشق
✍🏿حسن سعيد مرسي
تم الحفظ والتوثيق
تعليقات
إرسال تعليق