عيد ميلاد اخويا

كداب ياللي تقول زي اخويا

أنا مفيش حد زي اخويا

واحد بس مالهوش نسخه تانيه

لو عشت عمرك كله

ولا تلف حواري الدنيا

أنا بيه الكبير

حته مني وانا حته منه

مفيش فرق بينا

ولا مره كان صغير

واحد فينا شايل

والتاني سند

مهما كان الحمل تقيل

الكتف اللي يوصل يشيل

والتاني يسند بقلبه و روحه

يتألم ممكن يصرخ آه

لكن ولا حد يشوف جروحه

كتف في كتف

و أيد في أيد

داحنا ولاد الحج سعيد

في عز الشمس أضلل

وفي عز البرد يدفي

وقت آهِ يطبطب

و وقت وجعه أداوي

الدمعه منه تجري على خدي

كبير أنا آه لكن من صُغره سندي

رأيه يهمني أشوره

زي ابويا ماعلمنا

عشان تكبر اخوك تِكبّْرُا

أوعاك في حاجه تِصغره

وان جيت على روحك

ضهرك سندك اوعاك تِكسرُه

قالك اتنين مالهمش تالت

أخين مش محتاجين تالت

مهما الدنيا عليهم مالت

زي النخلة هما ما مالت

خيرهم لبعض أصل الغصن واحد

مهما غيروا طريقهم  جذرهم واحد

عشان كده محناش اتنين أحنا ١