سرب حمام
#سرب_حمام
رغم صقيع روحك
ورغم الجراح
وجفاف جنتك
والعمر اللي راح
لِساك واقف بطولك
وحواليك رمز السلام
ربك عالم بحالك
مهما حاولت تداريه
يحقق لك آمالك
ويعوض سنين الجفا
اللي ساندك حافظ عليه
حاول تحقق لهم الأحلام
أضحك معاهم وعيش
دول ياما معاك اتحملوا
كفايه عمر راح مايجيش
واللي يضمك إياك تهملوا
افتح حضنك على أدهم
عيش الدفى فعل مش كلام
قلبك اللي كان يسع الكل
شاف جراح كتير منهم
إوعاك تغير طبعك ولا تِمل
يجرحوك عادي اضحكلهم
شيل معاهم إياك تِكل
وطير حواليك سرب حمام
✍️حسن سعيد مرسي
#قارئ_الصور
تعليقات
إرسال تعليق