بتكرهيني
#بتكرهيني
أكرهيني بس وانت بتكرهيني
حاولي يمكن تقدري تنسيني
أنسى ضحكه مَرت بحياتك يوم
ولا روح أخدت روحك من الهموم
حاولي يمكن تكرهيني
ترجعي بالأيام ليوم اللقاء
واطلبي أغيب من غير بكاء
غمضي عينك وقلبك عني إبعديه
وان يوم سألك عني قولي كرهتيه
لو سهل عندك أكرهيني
اللي بينا لسه بينا عشناه في رحلة
كان جوانا أمل نعيشه سنين
لكن كانت الحياة رافضه المقابله
هانفترق في محطة كنا عارفين
يستحيل تقدري تكرهيني
دمعك إللي مسحته من سنين أحزانك
وقلبك إللي سمعت أنا نبضاته
حاولنا لكن صدقيني القدر خاني وخانك
كان سعيد بألم قلبك و آهاته
ولا تقدري تكرهيني
هاعيش ذكرى في قلبك تشتاقلها
زي ما ذكراك جوايا دايما بندهلها
كنت ايه انت قول ياقلبي قبلها
وهي كانت أيه قبل ما تندهلها
بكرهك لأنك بتكرهيني
وقلبي مع كل ذكرى بيسألك
لو رحلتنا كدبه صدقيها
روحي كانت تايهه قبل ما قابلك
صدقي الكدبه زي ما صدقتها
✍️🏿حسن سعيد مرسي
#قارئ_الصور
تعليقات
إرسال تعليق