غابه جديدة

غابة جديدة

نفسي أهاجر دنيا جديدة

بعد ماعاشوا بقانون الغابة

فيها ناس تحس ببعضيها

وقت البرد دببه تدفيها

والأسود جراح الغزلان تداويها

صقور عصافير فالجوع تناديها

هو احنا ليه كده مع بعضينا

ناس تأكل في بعض غابة

ماتقولش بشر ممكن ديابه

وأعيش لابس وش الطيابه 

عيش بينهم خاين زيهم

قرب منهم وابعد روحك عنهم

يمكن تسلم مرة من مكرهم

ولا أعرف دينكم أيه ولا في زيكم 

تعيش فحالك يستغلبوك 

ماينفعش معاهم تربية أبوك

تطبطب عليهم بغباء يجرحوك

صح في طريقك خليك ماشي

دنيا رخيصه فانية ما بقياشي 

إن رضوا بالغلط ماترضاشي

عند ربنا هناك ع الميزان تجتمع الخصوم

✍️🏿حسن سعيد مرسي